Para relawan Siaga Bencana Berbasis Masyarakat (Sibat) Kota Madiun padha melu kagiyatan simulasi tanggap darurat bencana gempa bumi ing Ngrowo Bening, Selasa (6/6). Wiwit saka carane evakuasi warga sing slamet apadene kang wis dadi kurban jiwa, ngedegake tendha darurat, dapur umum, nganti penanganan pasca bencana. Wali Kota Madiun, Drs. H. Maidi, S.H., M.M., M.pd. nalika mangnarsani pambukaan simulasi kuwi, ngendika, simulasi iku minangka pambudidaya menehi edukasi marang masyarakat supaya bisa nempuh langkah antisipatif saumpamane kedadeyan gempa tenanan. "Sanajan Kutha Madiun dudu kalebu dhaerah kang rawan bencana. Ya kaya mangkene iki langkah antisipasi nalika ana sawijining bencana kang dumadi," ngendikane.
